Sunday, 18 December 2011
-
就是這一句就夠了
晚晚的涼風吹著臉龐，一個稍有涼意的晚上，你，不其然的著上簿簿外衣。
明知深夜時份，在睡房中，看著唯一的發光點－－螢光幕，對眼睛是最壞的，但，你，就是不自覺的，什至有點醉意的在看。
醉翁之意不在酒，在於在你臉頰上，徐徐而下的，帶點餘溫的，卻冷不防的，被這突然其來的冷風吹著，
冷冷的行跡，本也不曾發覺，
細細的溫度微距，不得不留意，原來，早已忍不住了。
多少個晚上，為著這樣的一件事情而推倒那個總會笑著的自己？
多少個涼涼的晚上，你，不其然想得太多？
已經過了多久？微笑起來的，自己也忘了。
腦中突然回想起很多很多的回憶和片段，
到底當時的你，是如何的涯過了？
不曾覺得雙肩如此的重，
是那來的力量在不知不覺間令雙肩變得麻目，
痛到變麻了。
麻目了。
仍記得那個晚上，轉個頭別過面，已經忍不住了，
雙肩微微的彷似震著，像秋天時分，樹林隱隱震動樹幹，察覺不到，
但落下的眼淚就像落下的葉子，在告訴你，已經是時候了。
到了那個忍不了的盡頭。
由隧道走至巴士站的路程不超過五分鐘，
一直低著頭走著，雙手放進外套的袋子內，
就是這樣的倔強，不想別人看到自己那個弱得很的樣子。
是的，倔強得有時也受不了自己，
不需要別人的可憐，不需要別人呵護，不需要別人的同情，什麼也不需要，
自己一個也是很好的。
我是這樣說服自己的。
一直走過的路，那個忘不了的痛楚，沒有在身心上展現著，
只是變成了那個長長的影子，跟著自己。
其實並不是不需要別人陪伴，其實並不是不需要別人安慰，其實並不是不需要別人關心，
只是那個倔強得痛死也不作一點聲的自己，很想很想在不需要主動開口的情況下，
有一隻手可以搭上肩頭，給一點真實的安穩感，說一句：我陪你。
比起我愛你，這句，更為真實，更為體貼，更為窩心。
有什麼比清楚知道，無論在什麼時候，只要你需要，只要你轉個頭，那個人就會出現在你面前，
那個真實的個體就會在你身邊．陪著你，靜靜的守護著你，更為安心，更為溫暖，更為有力量？
如果有一天，當我又再低著頭的時候，我只希望聽到「我陪你」
就是這一句，就夠了。
Recommend
Post a Comment
- Back to DatingishHK's DatingishHK Site!
- Note: your comment will appear in DatingishHK's local time zone: GMT +08:00 (China Coast)
About the Author
-
- From: ice_feather@xanga
- Name: ice_feather 羽
- About Me: 隨思隨想，聽音樂，發呆，獨自一人的時候，就愛想。愛感受每一刻的自己。 從不相信記憶，只相信留下，留下的隨思隨想。
Stats: This Week All Time Posts: 1 34 Views: 2323 159732 Comments: 2 233 View all posts by ice_feather@xanga
Comments (25)
Facebook Wall~喜歡的,
http://www.facebook.com/pages/%E9%9A%A8%E6%80%9D%E9%9A%A8%E6%83%B3/190014007755524?sk=wall
可以的,給一個like吧
o拿，假如我係一個o係上一段關係入面好受傷、好受傷，o係街上面是旦劈道雷落o黎都電死一百幾千個o既普通港男……我會o敢樣留言……
愛情入面，人際關係入面，個人同集體極端自私o既情感、情緒入面，有乜o野道理好講呢？
我知道我o既要求好過分，但係我都仲係想無理取鬧一句：
「喂，港女，你拍拖可唔可以講下道理呀？！」
對不起，語氣重o左……但係，真係咖，「真愛」同「幸福」之所以睇起上o黎咁虛無縹緲、遙不可及……咁唔現實，好可能其實只係因為年輕人o係拍拖o既時候對「愛情」存有太多不切實際o既奇怪聯想，而哩o的奇怪聯想係真係完全冇必要存在咖！
就算冇o西哩o的奇怪聯想，「真愛」照樣係確實存在咖！點解要諗咁多呢？
我舉一個例子……
o係處理人際關係o既時候，你想人理解你、了解你，好正常……
但係呢，你又想人呵護你、陪你，你又要唔出聲講俾人知，o敢你係唔係想話要個男朋友一定要係好似o的科幻小說入面o的男主角o敢，有o的唔知乜o野超自然力量：「你乜都唔使講，我用我o既超能力聽到你o既心聲！」……跟住下一秒即刻飛擒大咬，撲上o黎「呵護你」、「安撫你」？
哩位女士，千祈就唔好咁傻咁天真，俾講哩o的o敢o既說話o既賤人呃到呀！
佢如果真係掌握到你o既心聲，不外乎兩個可能：
第一、佢係靠「超能力」聽到o既！
但係講真，現實世界邊得o黎咁多卡通、漫畫入面o個o的「超能力者」呀、「魔法美少年」o丫？你見到o個個你慌唔係o個o的話自己識讀心術o既「神棍」、「老千」或者「港版劉謙」咩？
第二、佢唔係靠「超能力」聽到o既！
即係靠「估」，估到o既！
o的強姦犯強姦完人夠話自己「意識」到、「領會」到、「感應」到……估到個受害者畀暗示佢叫佢「衝前去，上呀，做個真心英雄」啦！
講真，只要個女仔唔係真係諗清楚要同個男人發生關係，清醒地下o左決定同同個男人有比較良好、有效o既溝通（未必一定要出聲），之後個女仔愈諗愈唔服氣未一樣可以告到個男人甩褲？
o的官成日一句「女事主誠實可靠，供詞可信」就入o的男人罪，其實都唔係完全冇道理咖……人o地都冇真係o係清醒o既狀態底下同你溝通，話可以同你發生關係，o敢未即係又係「女女女」……
同樣道理，同港女拍拖真係「做人男友甚艱難」咖！
例如，o拿，你話你個女朋友一直唔聽你電話，係代表乜o野意思o丫o拿？
哩位參賽者用o左錦囊「五十五十」，剔除o敢o的其他睇落都好 make sense o既答案……
淨返：
A) 「我唔聽得你電話，即係話我想自己靜下，唔想你打電話o黎畀壓力我啦！」
D) 「親愛的，你知道嗎？我不接你的這個來電，只是因為我在期待——你的下一個來電，你激烈的、迫切的、深刻的愛情！」
（人話翻譯：我唔聽你電話，係因為我o係度等待緊你o既下一通電話，等緊你用你o既堅定同堅持去證明你對我深切真摯o既愛意……或者，你o既下一通電話，我就會聽，點解你唔堅持落去呢？）
我會舉手投降，我揀「無從判斷」！
o敢俾著你，你點揀先？「女人心海底針」你又唔係未聽過，根本連佢o地自己都唔知自己諗緊o的乜！
其實只要唔係大家兩個成年人平心靜氣o敢傾出o黎o既，就算你估得點「中」都好，講到尾都只不過係你單方面o既「想像」o黎咖o乍！
就算你有相關方面o既知識，又或者有好豐富o既人生經驗，完全可以好合情合理o敢支持你自己o既猜測、你得出o既結論，事實上、學理上，好「o岩」、好「中」……o敢又點？
你都只不過o係度將自己o既判斷強加到去一個同你地位平等o既成年人身上！
人o地又唔係走o黎你診所度睇心理醫生！
……講到尾，兩個人，兩個成年人之間o既相處都係要溝通咖！
俾人咁o岩知道你「想要」o的乜，真係唔係一件值得慶幸o既事o黎！
你有心事唔同自己真心中意o既人講，搞到佢因為尊重你o既緣故，唔知點算好……咁o岩有個有精神病，幻想自己識讀心術o既變態佬走過o黎同你講「聽到你o既心聲」話要「陪你」，你o係你愛o既人o個度得唔到安慰，你就自己搞到自己要退而求其次走去滿足個變態佬，o敢樣就放棄真愛呀？
年輕人又中意胡思亂想，而年長o的o既又已經失敗過又太多其他方面o既顧慮冇辦法真係無私、投入o敢去追逐「真愛」……
o敢唔怪得之「真愛」同「幸福」o係人世間咁難得一見，好似鬼o敢，人們相信佢存在又從來冇人真係見過啦！
而我的確又真係一個好平凡o既男人，所以以上哩一段就係我要留o既言喇！謝謝！
面子問題?
女仔要矜持?
其實也沒說得這麼嚴重,畢竟這是一篇舒發的文章。
很明白有時候女生看似有很多藉口去要求男生要如何完美。溝通的確是很需要,情人們係需要了解的,以上的說話,係了解過後產生的想像沒有人會想跟一個機器人拍拖吧?踢一腳做一下?叫一聲做一下?講一下做一下?這不是一個過份的要求吧?要是男生不快樂,佢最想聽到什麼?每個人也不同,但最希望係女朋友可以體貼一下自己吧?哄下自己開心又好,比自己冷靜下又好,唔好煩住曬又好,男仔都希望個女朋友體貼下自己,這也是女朋友希望男朋友體貼下自己的想法而已。假如男仔岩岩番完工好累好累,都希望個女仔自動講句,辛苦你了,做野辛苦時都希望有人明白下自己,體貼下自己吧?那不是過份,唔係咩?如果每次你放工已經好辛苦,重要對住個女朋友講:你可唔可以體貼下我,同我講番d咩哄下我,這樣大家也覺得無癮吧?
難道個女仔又係有超能力?靠估? 女仔就必須要有這樣的體貼?希望男仔有同樣的就叫過份?
拍拖也有一段時間,或多或少都會了解另一半吧?不需要全中,有時mr right之所以係mr right,就正正係因為佢做right的事情而不是需要下下要人講先識做。
@blattella_germanica@xanga -
不是面子問題,只是有時,每個人都希望有一個可以體貼自己的情人,不需要每一次都要開口講先識做,要是這樣,跟自己拍拖不是更開心?但情況不是這樣吧? 只是希望對方遇然係自己需要的時候,體貼下自己。@mygodzilla@xanga -
@ice_feather@xanga -
心學家應該係最理想對象啩@ @
因為一方面你要扮堅強
雪中送炭當然係最好另一方面你又想得到關心
不過好多時係你唔講無人知
或者你表現得唔需要
人地'順應'你
幾日前中文test
有篇文講人付出比人地嘅係有限
唔應該要人地無限嘅付出
http://www.wretch.cc/blog/SmileOrCry84/32788114
當然不是要別人的無限付出,畢竟我們在別人的人生之中可能是過客,
有一些人注定進入別人的人生,跟別人上了一課後就會離開,有一些人注定進入別人的人生,跟別人上了一課後離開,但又會再回來但有一些人注定進入別人的人生後就會跟別人上一輩子的課。文中重點其實不是要對方估中自己想點,係要對方行多步,不要好像一個機器人,叫一下做一下,輸入指令式,無論男還是女都一樣,總希望對方是體貼的,而體貼的定義就在於對方是否做多一步,想多一步,有時男女之間就係每人走多步,當然不是說女生應該公主式的被照顧,男生就要王子式的照顧人,請不要敏感。最簡單的係,當你唔開心的時候,無論臉上有無看得出,身體語言上一定有一點hints的,係熟識你的,懂你的,就自然會走多步,說多句。不一定是自己心中最想聽的,但都會是窩心的。而且當你好唔開心的時候,唔多唔少都會想對方可以體貼自己,不論男女,這是必然的想法。@mygodzilla@xanga -
@ice_feather@xanga -
嗯..
咁講番句對唔住
我可能有少少理解錯誤
其實又不用說對唔住,也只是舒發的文章而已^^@mygodzilla@xanga -
@ice_feather@xanga - 其實呢，blog 友仔，我o係你覆o既o個個留言入面係有講咖：
……
其實〔就算你真係有他心通都好啦〕只要唔係大家兩個成年人平心靜氣o敢傾出o黎o既，就算你估得點「中」都好，講到尾都只不過係你單方面o既「想像」o黎咖o乍！
就算你有相關方面o既知識〔包括：接受過專業訓練，識精神分析〕，又或者有好豐富o既人生經驗，完全可以好合情合理o敢支持你自己o既猜測、你得出o既結論，事實上、學理上，好「o岩」、好「中」……o敢又點？
你都只不過o係度將自己o既判斷強加到去一個同你地位平等o既成年人身上！
人o地又唔係走o黎你診所度睇心理醫生〔走過o黎你診所同你建立醫生—病人o既關係，俾你診斷〕！
……講到尾，兩個人，兩個成年人之間o既相處都係要溝通咖！
俾人咁o岩知道你「想要」o的乜，真係唔係一件值得慶幸o既事o黎！
……
其實要睇穿一個人o既真實想法真係唔難，但係o敢樣……
不如我o地講下道理同「文明」啦！
第一、你如果未經過溝通確認夾硬將自己o既判斷當成伴侶o既「真實心意」（之後仲要走去採取行動），無論你o既判斷甚至「診斷」係o岩係錯都好啦，最起碼都構成你對伴侶o既操弄同兩個人作為強制詮釋者同被強制詮釋者之間o既「不平等」……
完全冇咨詢，自己夾硬想像o的「民意」出o黎，叫做「強姦民意」！對待女朋友，你係唔係都係用「強姦」o既呢？
尊重女性你就唔會走去「強」人啦！
（當然，兩公婆之間，有時主動o的、強勢o的，某o的好哩味o既老婆係會受落o既……但係，唔好忘記，o係現今愈來愈講究「道理」、「文明」、「人權」同「（性別）平等」o既現代社會裡頭，連兩公婆之間，都告得入強姦咖喇！）
第二、你上面講到「到o左o個個忍唔到落去o既盡頭」，即係話你o地o既關係當時已經處於非常狀態啦……你自己有說話唔肯講清楚，要求人o地o係壓力狀態、緊張關頭「輕舉妄動」？！
而家究竟係你唔體諒人o地，定係人o地唔了解你呀？
人o地就算好了解你，對你o既一切心裡有數，但係一日你唔肯同佢確認，佢愈係重視同你o既關係，佢係愈唔會走去「博」咖！
哩一種聽天由命o既輕率，正正就係一種「人生中不能承受的輕」；等你開口講o野o既謹慎、仔細、殷勤，就係每一天都係新的一天o既人生裡面比起「幸運」更加可貴o既「絲毫不差」！
任何兩個人之間要維繫感情，都係需要溝通咖嘛，係人都知咖啦！自私到連溝通都想慳返，其實有辦法咖，你自己未對自己o既想法同情緒最有發言權同最有利用權囉，自己同自己拍拖囉！
o岩o岩睇到一位著名 blog 客o係 xanga 發表o既一篇博文，返o黎講多兩句：http://hkblog.xanga.com/757769674/%E9%87%91%E6%AD%A3%E6%97%A5%E6%AD%BB%E4%BA%86%E5%8F%AF%E6%83%9C%E6%98%AF%E5%96%84%E7%B5%82/
如果一個成年人唔中意溝通但係又要同人拍拖，可能文中講o既o個位人兄就係同佢天造地設o既一對！
佢，強姦民意當食生菜！佢話佢自己好了解人民o既需要，行多好多步（洗腦o既行動）講多好多句（催眠o既說話）！佢成日操弄人民，而且好成功，你睇幾多北韓人因為佢死而喊？可能唔係全部都係妹呢？
可惜，人o地唔要你，已經死o左——而家我扮我有他心通，我代佢講：佢寧願走去死都唔要o的唔肯同人溝通o既港女！
@mygodzilla@xanga - 朋友，其實比人知道多一o的o既o個o的人，都係有佢o地自己o既難處咖！
第一、佢o地可能會有好高o既自覺，會有好好o既操守，知道濫用專業知識去處理私人關係係「不尊重」同「不道德」o既，所以佢o地會盡力避免，甚至太過盡力避免……須知道，做人o既o野，有時係要變通下咖嘛，萬一遇到o的放棄理智、蠻不講理o既人，唔變通下真係唔得咖……
第二、佢o地可能會將私人關係同工作、幫助對象分得好開，甚至分得太開！佢o地心裡面唔多唔少都會覺得：「人o地有障礙、受困擾、精神病，就話要我用各種技巧去引導，要我用唔同溝通技巧同佢溝通o者……你好地地一個正常成年人，我o地有乜o野o野正正常常o敢有效溝通未得囉！」
有o的專業人士，放工之後或者對住其他工種o既同事，會被指「比普通人更缺乏溝通技巧」，就係因為o敢……
但係你諗下喎，如果佢o地唔將幫助對象同私人關係分開o的，o敢會點呢？
o敢佢o地未陷入永遠都唔放得工o既惡夢囉！
真係諗起都得人驚……
@blattella_germanica@xanga - 其實需唔需要咁認真lol
至少我覺得有共鳴。
而且，0係朋友方面都可以咁用。
如果我要深究既話，我會寫篇心理學論文，而唔係寫抒情囉lol
@LApUTa_BlIss@xanga - 其實有情係可以抒，係要抒咖，但係可唔可以睇完篇抒情文之後，好感動完o勒，好有共鳴o勒——好多時候有共鳴o既讀者就係試過類似o既唔成熟o既「庸人自擾」式顧影自憐，有過類似o既自私心態——下面有段留言提下咁多位年輕讀者「拍拖要為情人設想」呢？
或者試下做人男朋友或者女朋友唔好咁自私，佢會好過o的，自己都會開心o的，以後拍拖冇咁容易因為自己唔成熟唔明白事理而搞到次次都忍受唔到自己另一半係好人係正常人呢！
@blattella_germanica@xanga -
因為我聽身邊嘅朋友講過
讀心理學嘅屋企人會學以置用- -
其實並不是不需要別人陪伴，其實並不是不需要別人安慰，其實並不是不需要別人關心，
只是那個倔強得痛死也不作一點聲的自己，很想很想在不需要主動開口的情況下，
有一隻手可以搭上肩頭，給一點真實的安穩感，說一句：我陪你。
@mygodzilla@xanga - err，我當然唔係講緊班心理學系o既同學仔啦！同學仔真係應該學以致用，將課堂上面學到o既知識應用到去生活入面咖！
如果唔係——佢o地又唔係個個有得去做研究、教心理學捃食——佢o地學o個o的o野未冇用囉！
不如我o地睇下學文o係 Datingish 新發表o既博文先啦？去文！
……
為甚麼不能愛上一個少女呢？也許她很無知，所以無辜，成年人的愛像作弊一樣，即使拿個滿分，她也不配，因為這分數不是她應份取得的。因為年月的差距，注定一種永恆的不平等，因為不平等，她就處於受制的那方。因為你知得非常多，所以可以肆意擺佈她，引誘她墮誰預先設下的陷阱。
真愛本身會容許他這樣做嗎？（http://www.datingish.hk/757767988/）
……
點解話成年人愛上蘿莉係「作弊」呢？係因為成年人活o既日子比小蘿莉長，而o係佢比小蘿莉多活o既日子裡面佢o既心智發展到遠比小蘿莉成熟而且積累起遠比小蘿莉豐富o既人生經驗，o敢未造成佢o地兩個人關係先天o既「不平等」囉，就算成年人有尊重小蘿莉o既自覺，但係從佢居高臨下o既角度去睇小蘿莉，好多時候操弄唔係話想避免就避免得到咖！
哩種關係o係先天上已經唔係兩個地位平等o既人合而為一o既愛情。
但係……
如果個男o既只係大過個女仔兩日呢？問題未唔存在囉！
如果個實際年齡係四十三歲o既男人o係佢十八歲o個年俾人放o左入急凍箱，放o左廿五年，而o係佢o係急凍箱入面o個廿五年全程只係不停o敢輸入物理學理論入去佢個腦度，佢出到o黎同個十八歲o既少女拍拖，話唔定社會大眾都會覺得冇問題呢！
如果有一天，當我又再低著頭的時候，我只希望聽到「我陪你」
就是這一句，就夠了。
如果說強人就太誇張,或許是當中文章的意思容易觸起人的敏感位,特別係男士,因為被女士成日說自己唔夠細心,估唔到自己想法。
其實是否自私,是否對與錯,在愛情,根本沒太分明,愛情不是發律,沒有鐵定的rules去說明和賞罰,每對男女自然佢地的一套,不過還是那一句,有誰不想別人多了解自己一點,在自己需要的時候,做一點事?@blattella_germanica@xanga -沒錯的,在朋友方面也可以套用,在內沒有說明是否男女關係^^
你看得很清楚!@LApUTa_BlIss@xanga -希望你所愛的,也可以跟你說這一句。@love_is_still_going_on@xanga -
@ice_feather@xanga - 唔想咁「小學常識」或者「通識」，所以背後o既原理我原本可以唔講就唔講，但係……好似唔係好得……
err，不如o敢講啦，如果你了解女性解放運動，你會知道……其實o岩o岩相反，蟑螂係一個企o係雞蛋o個邊、反宰制反強姦o既女性主義者o黎o既……
係維護緊你作為人o既尊嚴、你o既基本人權o既……
其實真係唔係淨係講緊愛情咖……咁多個世紀以o黎活o係主要由男性主宰o既社會環境入面，自我存在感較低同自主意識較薄弱o既某部分女性到今時今日都仲係好習慣將自己置於一個被宰制受擺佈o既位置，好習慣扮演被告知「毋須表達意見，女人同寵物狗一齊等住俾英明睿智o既男主人細心呵護啦」，繼而放棄自己發表意見o既機會、被有技巧地「消音」、俾人逼迫仲要主動配合o既受害者角色！
用發表意見o既方式提高自己o既自主性係一種「權利」o黎o既，唔好咁蠢自己走去唔用浪費o左佢呀！
好似以前女人冇投票權o敢，當時o既女性主義者先驅唔通又話：
「政府應該要細心o的，了解清楚我o地女人個心入面諗乜，唔使我o地咁辛苦『踢一腳做一下』，唔使我o地次次選舉都出o黎投票咁辛苦o丫嘛！」
o敢樣你到而家廿一世紀都唔使登記做選民啦！o敢就死喇……
如果係想要人o地了解你o既，其實大家都知道係要勇於表達自己o既想法咖！
你逃避開「明確表達自己o既意見」o既責任，同時亦都係將「掌握自己命運」o既權利放棄，任由他人（唔一定真係自己男朋友）假「關心」之名行「宰制」、「支配」之實。
雖然以前o既女性會被灌輸一o的好似「在家從父出嫁從夫」o敢o既任人擺佈者意識，可能會習慣o左唔使自己主宰命運等人o地o黎細心支配自己……但係而家都廿一世紀啦，有接受教育咖嘛，應該要識得捍衛自己o既天賦人權咖喇！
其實蟑螂講o既o野好簡單，只係捍衛緊「民主」、「人權」、「平等」同「自由」哩o的普世價值！
點解人o地為緊女性爭取主宰自己命運o既合理權利，會被誤以為係為男人講說話o既呢？不如，唔好忘記自己應該享有人權o丫！
其實點解推翻共產黨同解放朝鮮到而家仲未實現呢？就係因為「民智未開」！等大家都用腦諗o野o既時候，就會知道人權值得捍衛、人性值得尊重咖喇！就唔會對你表示最基本o既尊重o既時候誤會人o地誇張，唔會o係為你提供最基本o既保護o既時候話人o地敏感。
睇o黎我真係……好坦白……
@ice_feather@xanga - THX~ XD
其實會否是對此太有共鳴,才好像較敏感一點?
這裡沒有說明男大女卑或是港男港女。是自尊又好,是自大又好,民主又好,其實也只是回到最基本的一種需要----被重視。@blattella_germanica@xanga -@ice_feather@xanga - 唉，又係香港教育唔注重批判思考同公民教育o既惡果……
而家仲要多多科「國民洗腦」，以後唔使維護人權啦，齊齊俾共產黨洗腦，俾人剝奪完公民權利仲要同中央政府班青天大老爺講「多謝主人」啦……
要成功接收人o地不嬲都準備好o係度o既「重視」，要享受到人o地對你無微不至o既體貼，人首先要自尊、自信、自重……
重視你o既平等人格、重視你o既自由意志，變o左對你o既自我貶低「太有共鳴，才好像敏感一點」，人道主義者只係想你肯定下自己作為人o既價值o者，o敢樣都好難理解咩？
「公義」同「敏感」係唔係真係咁難分辨？
所以未話我o係「錯把善意釋放」o個度段話係有道理o個囉……o係民智未開o既社會，捍衛社會公義，真艱難。
o拿，你而家俾人綁住o左o係醫院張病床度被診斷為「不知名怪病，病情嚴重，冇得醫」，你明明仲好清醒講到畀人聽你冇事冇幹、你一o的都唔覺得痛苦o個喎，但係你因為覺得「不被重視」所以死都唔肯開口同人講你其實冇事，無端端你女朋友／男朋友走o黎同醫生講：
「我好愛佢好體貼佢咖，佢冇得醫，我好傷心呀！醫生，你不如做下好心，整死佢啦！」
哩種就係你想要o既「最基本的一種需要——被重視」？o敢……好難「有共鳴」喎……
你就算唔係專業人士，你就算唔知自己想點都好啦，對你自己o既狀況同願望最有發言權o既，永遠都係你自己。
我唔係講緊「你死你事」o個o的人呀，我係講緊o係你未出聲之前唔敢自己亂估然後「輕舉妄動」o個o的呀！
有咩想對方知，識得講o野又識寫字又識諗o既成年人，會話畀對方聽。（有o的體貼少少o既遇到對方唔係好接收到o既情況甚至會換著法子講添……）
或者人o地一早準備好o黎錫o西你咖喇，只係唔想偷步，搞到自己無端端犯「擅作主張」o既錯誤，先至等你句「起跑」咋……
正正就係因為「重視」你，先至唔容許自己犯錯誤！
愛你o既人係唔會俾你受委屈咖，更加唔會容許自己親手將委屈加到去你身上。（講緊佢控制範圍以內o既情況啦，梗係！）
你就算將自己想像成 something less than 有權有能力決定自己想點、可以有效表達自己o既正常成年人——有讀過書、愛你、尊重你o既o個一位，唔會。