對住一個不識得珍惜「你」（與文中的「我」相對的第二人稱）o既人……不如唔好再浪費時間啦，就算畀你等到佢理下你又點o者？

等完之後等到返o黎o既不過又係o係不久之後另一次o既等待，直到佢騎住你哩隻牛捃到佢心目中o既白馬王子！

o係你身邊仲有好多比佢值得你珍惜o既人，畀個機會你自己o丫。

我都試過好似文中o既「我」o敢樣去愛一個人，一個人o係山路上面空等，上山、等待、下山、等待、上山、等待、下山，繼續等待，一日又一日，兩個人一齊去買o既皮鞋都行到爛埋喇，依然都仲係見唔到佢o既影蹤。

佢冇同我講過o的乜，冇講過分手，只係單純o敢唔中意我哩個男朋友——然後，電話唔聽、唔覆，人唔見。

而我就只係識得企o係度空等。

鞋爛o左喇，我唔捨得去買，我好想等到佢肯見返我o既時候一齊再去買過對鞋。

於是，每日我著住一對受力冇辦法保持平均o既鞋返工，一日一日，好快就一個月喇。鞋愈o黎愈爛，我隻腳就愈o黎愈痛，行路都冇辦法正常行喇。

我好想應承其他用各種理由提出同我一齊去買鞋o既人，至少放工之後可以一齊買下o野o丫。

「買鞋o者，唔一定要你以前女朋友陪你o格，我都得o既o者。」

我好想同一o的會因為我o既陪伴而心裡面感到踏實、溫暖o既人一齊呀。

但係當時o既死牛一邊頸o既我做唔到。

然後，青春、人生繼續虛耗，想等o既人，永遠都等唔到。

@artinz@xanga - 都過o左好耐喇，我已經好耐冇再見過佢喇。

以前同佢一齊o既時候，佢——o里個我以為佢好愛我而且我自己好愛佢o既人——係我人生中全部o既暖意同幸福；而家，即使我真係唔想再諗起佢喇，即使佢o係我腦海中o既存在只能夠為我帶o黎痛苦，我仲係會諗起佢，我仲係會因為佢而感到痛苦。

或者可以令我好受o的o既方法就係令自己唔再（以為自己）中意佢啦。o係痛苦底下我漸漸清醒落o黎，我已經愈o黎愈相信佢唔中意我，甚至根本從來都冇中意過我喇，反正從頭到尾都只係我一廂情願o敢自製浪漫，我應該可以好快放得低咖喇。

其實佢係有同我講咖：「我根本就冇中意過你，就算當初真係有少少中意過，o係好耐之前就已經唔中意咖喇，我都唔知自己點解會同你o係埋一齊o既。」

但係我當時就硬係唔肯面對現實。

佢係成日同我講分手咖。

可能係因為事情過去好耐之後，佢又會同我講「我o個時擺明就係講下o既o者o麻！」，所以我當時就硬係唔肯面對「佢唔中意我」o既現實。

後來佢開始思考，想搞清楚佢點解會同我o係一齊，佢話畀我聽：「可能係我怕悶，想有個人陪，所以未同你拍拖囉。」

又會同我講：「可能係我當初未捃到個更好o既呢？話唔定你唔同我一齊會捃到個更好o既呢？」

人o地講到清清楚楚，交代晒前因後果，我都仲係唔肯面對「佢從來冇中意過我」o既現實。

佢同我講：「話唔定你唔愛我會捃到個更好o既呢？」

究竟係佢唔太清楚「愛」係乜o野——定係我搞錯o左，以為當時o個種血肉相連，非如此不可、非佢不可o既感覺就係「愛」而「愛」根本就唔係o個回事？

可能我同樣都係從來都冇愛過佢咖。

可能我同佢由始至終都只係走得有o的埋o既一對普通朋友，咁o岩大家都想有個人陪o敢o者。

有時我會o係心裡面怪佢咁大個人有事發生淨係識得逃避，唔識得溝通，可能其實逃避、拒絕溝通o個個人一路都係我：

人o地將說話講到明明白白清清楚楚，我一味逃避唔肯面對現實，唔肯聽人講說話根本就同講大話一樣咁衰——都係o係度阻斷雙方之間令對方明白自己自己明白對方o既溝通。

喜歡你心理老師說的話：）